Is-Segretarju Parlamentari għar-Riformi u l-Ugwaljanza

Is-Segretarjat Parlamentari għar-Riformi u l-Ugwaljanza jagħmel parti mill-Ministeru għall-Intern, is-Sigurtà, ir-Riformi u l-Ugwaljanza. Il-missjoni tas-Segretarjat hi li tippromwovi aktar ugwaljanza fis-soċjetà filwaqt li tirriforma liġijiet favur aktar drittijiet għaċ-ċittadini Maltin. Is-Segretarjat, bit-tmexxija tas-Segretarju Parlamentari l-Onorevoli Rebecca Buttigieg, qed jkun minn ta’ quddiem biex f’Malta jinkisbu aktar drittijiet. Fost l-Awtoritajiet li jaqgħu taħt il-ħarsien tas-Segretarjat għar-Riformi u l-Ugwaljanza, hemm l-Awtorità għal-Użu Responsabbli tal-Kannabis, id-Direttorat tad-Drittijiet tal-Bniedem, il-Kummissjoni Nazzjonali għall-Promozzjoni tal-Ugwaljanza kif ukoll il-Kummissjoni dwar il-Vjolenza Abbażi tal-Ġeneru u l-Vjolenza Domestika.